Mentrau Cymdeithasol: Dim mwy o fusnes fel arfer
Mae Llais10, cynhadledd flynyddol y Glymblaid Mentrau Cymdeithasol, a phrif ddigwyddiad y Deyrnas Unedig ar gyfer mentrau cymdeithasol, yn cael ei chynnal yng Nghaerdydd ar 1 a 2 Chwefror. Llywodraeth Cynulliad Cymru yw prif noddwr y gynhadledd.
Mentrau Cymdeithasol: Dim Mwy o Fusnes fel Arfer.
Gyda'r Deyrnas Unedig yn parhau mewn dirwasgiad, mae'r Gynghrair Mentrau Cymdeithasol yn credu mai dyma'r amser i herio'r dull "arferol" o gynnal busnes. Yn Llais10, bydd y mudiad yn dod ynghyd i ymateb i rai cwestiynau allweddol, a darparu atebion i heriau sydd yn ein hwynebu yn yr hinsawdd economaidd sydd ohoni.- Sut ellir sicrhau fod mentrau cymdeithasol yn cael mwy o effaith a helpu ailadeiladu economi well, mwy cynaliadwy?
- A ellir diwygio gwasanaethau cyhoeddus pan fo gwerth am arian yn un o'r materion pwysicaf rydym yn wynebu heddiw?
- A sut allwn ni greu cysylltiadau newydd a chydweithio gyda'n gilydd a'r sector preifat?
Mae mentrau cymdeithasol yn fusnesau sy'n cael eu rhedeg er lles cymdeithas a'r amgylchedd. Mae yna oddeutu 62,000 o fentrau cymdeithasol yn y Deyrnas Unedig gyda throsiant cyfunol o £27 biliwn. Maent yn gweithredu mewn amrywiol sectorau, yn cynnwys iechyd, addysg, manwerthu, technoleg, ynni adnewyddadwy, y celfyddydau a chyflogaeth.
Yn y pum mlynedd diwethaf mae Voice wedi dod â miloedd o bobl o'r Deyrnas Unedig a thramor ynghyd, yn cynnwys arweinwyr mentrau cymdeithasol, llywodraeth, gwleidyddiaeth a busnes.
"Mae'ch creadigrwydd,
deinameg, trugaredd a dyfeisgarwch yn gwbl ganolog i'r dyfodol economaidd da y
mae'n rhaid i ni adeiladu yn ein gwlad"
David Cameron, Arweinydd
y blaid Geidwadol, Voice09
